Publicada en castelán a «Advertencia cidadá sobre a extralimitación e o colapso»
No blog do manifesto Derradeira Chamada deuse a coñecer esta semana a tradución ao español realizada polo Instituto Resiliencia (coa inestimable colaboración de Jorge Riechmann) dun novo manifesto publicado nos EUA. O Citizens’ Warning on Overshoot and Collapse fora lanzado hai pouco por The Real Green New Deal Project conxuntamente coos autores do libro Bright Green Lies (Brillantes mentiras verdes).
É da autoría de Megan Seibert e conta co apoio como asinantes iniciais de William Rees, Ron McCormick e Alice Friedemann (tamén do Real GND) así como de Derrick Jensen, Max Wilbert e Lierre Keith, autores do citado libro.
A Advertencia pode ser apoiada por calquera persoa asinando mediante un formulario de Google ou mediante un correo electrónico aos responsables do Real GND.