recoñecido oficialmente pola Universidade das Nacións Unidas

Comezan as emisións do programa de radio «Vivirmos nun mundo finito»

Comezan as emisións do programa de radio «Vivirmos nun mundo finito»

Vivirmos nun mundo finito. 107.2 FM Ames RadioDesde o campus de Ames do CSS anuncian que o goberno municipal dese concello vén de aprobar unha 3ª tempada do programa de radio realizado conxuntamente polo Instituto Resiliencia e mais pola asociación local Ames Pospetróleo.

O programa leva xa 28 emisións desde o pasado ano, e a partir do seu programa nº 29 vaise integrar nas actividades educativas e de difusión da problemática da sustentabilidade do noso CSS. Leva por título Vivirmos nun mundo finito, e ademais do seu coordenador Manuel Casal Lodeiro, conta coa participación habitual de Xoán R. Doldán (CSS), Ramóm Flores (Véspera de Nada) ou Emilio Román (Ames Pospetróleo).

O programa pode captarse no término municipal de Ames e na contorna, e tamén seguirse por Internet (ao vivo desde o web municipal, e en diferido mediante podcasts dispoñibles desde o web de Ames Pospetróleo).

A primeira emisión desta nova tempada será o luns 22 de outubro de 2018, e a derradeira o 22 de decembro.



Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.